हला भैजी कन छ ?
बदली छाई होली वख टीरी मा |
यखी त बस आग छ , फुन्कग्युं यख दिल्ली मा |
तनखा बिजां कम हुएगी , रेणा छन तंगी मा |
कोड मा खाज हुएगी , ऐ छोरा , एन मंदी मा |
कोई अपणु नि छ यख , सब मतलब का दगडी छन |
खूब खाई मिन धोखा , पर भैजी अब क्या कन ?
यख सुबेर सात बजेक बीटी , घनी घाम लग जांदी |
यख वख बाटा मा , सुंगर जाम लग जांदी |
जखी देखा , वखी सरा- सरी मच्युन छ |
पैसा का वास्ता , मारा मारी मच्युन छ |
यु माहौल मीतें , रास नि आणु छ |
फंड फुकी येतें , मी घौर आणु छ |
घौर एके , दाल भात खेके , रौला तस्सली मा |
कंदुडी पकड़दों , फुक्ग्युं यख दिल्ली मा |
अक्षत डबराल
"निःशब्द"
कोई टिप्पणी नहीं:
एक टिप्पणी भेजें